Horace Odes 3,1 paraphrase, from the Delphin edition of Ludovicus Desprez. Italicized words are supplied by the editor.

 

Imperitum vulgus aversor atque amoveo. Obsecundate ore: Musarum ego antistes inauditos antea versus cano puellis ac iuventibus. Reges metuendi potestatem habent suos in populos, ipsos autem in reges potestatem habet Iupiter victis gigantibus inclytus, omnis nutu concutiens. Fit ut alius alio spatiosius disponat arbores scrobibus. Ille candidatus in campum Martium nobilior veniat iste virtutibus et existimatione potior concercet. Huic adsit amplior clientium numerus: at pari iure magnos et parvos regit mors; quodlibet nomen urna complectitur et versat. Cui supra sceleratum caput strictus gladius impendit, gustum suavem haud comparabunt epulae Siculae, nec soporem revocabit volucrum aut lyae modulatio. Quietus sopor haud aspernatur abiectas hominum agrestium casas, et littus umbrâ amoenum, nec Tempe Zephiris afflata. Qui cupit duntaxat quod sufficit, hunc nec angit mare procellosum nec violentia occidentis Arcturi, vel Caprorum surgentium; neque vineae per grandinem percussae, vel ager fallax, arboribus modo pluvias accusantibus, modo constellationes arva exurentes, modo frigoris saevitiam. Aquas molibus in mare proiectis coarctatus sentiunt pisces. Illuc caementis (?) saepius immittit operum conductor cum servis, necnon possessor terram contemnens. At metus et formido eodem quo dominus ascendunt: neque triremem aere munitam deserit molesta solicitudo, imo equitanti assidet. Quod si male se habentem haud sublevat Phrygium saxum, nec vestis purpurea astris splendidior, neque vinum Falernum et unguentum Persicum: Quare celsas aedes construam postibus invidiam clientibus, et ratione singulari? Quare vallem Sabinam commutem opibus nimium laboriosis?

 

 

 

 

back to Ad Usum Delphini page